Հովհաննես Թումանյան
Օրը ցերեկով
Երեք-չորս հոգով
Կույրերը եկան
Փղին դեմ ընկան։
Մինը, որ մարմնին դիպավ հաստ, ահեղ,
– Հե՛յ, զգո՛ւյշ, կանչեց, մի պատ կա էստեղ։
Մյուսը, որ ոտն էր շոշափել իր դեմ՝
– Ի՜նչ պատ, ծիծաղեց, էս կոճղ է կարծեմ։
Երրորդի ձեռը կնճիթն էր ընկել.
– Օձ է, օ՜ձ, գոռաց, էլ ի՜նչ եք կանգնել։
Մինչդեռ չորրորդը պոչիցը բռնած
Քահ-քահ խնդալով ծաղրում էր նրանց.
-Վա՜հ, ճիշտ որ կույր եք. չիմացավ ոչ ոք։
Ոչ էս է, ոչ էն, այլ կախած մի թոկ։
Չէ՛, պատ է,- չէ, կոճղ- չէ, օձ է,- չէ, թոկ…
Ու աղմկելով ամեն մինը ջոկ,
Ինչպես որ եկել
Դեմ էին ընկել,
Էնպես էլ կույր-կույր ետ դարձան կրկին
Սարի պես փիղը պարզ լուսի տակին։
Հարցեր և առաջադրանքներ
1. Առակը համառոտ պատմի՛ր:
Այս առակը չորս կույրերի մասին էր։ Նրանք հանդիպել էին մի մե՜ծ փղի, և չեին կարողանում հասկանալ թե ինչու են հանդիպել։
2. Ի՞նչ է սովորեցում առակը:
Ամեն ինչ մեր պատկերացրածով ի և մեր մտածածով չի։
3. Նամակ գրի՛ր հերոսներին. նրանց խորհուրդ տուր:
Ես խորհուրդ կտայի նրանց փողոցում զբոսնելիս նրանց ընկերներից մեկի հետ զբոսնեն, ովքե կույր չեն։
4. Ինչ կպատահեր, եթե կույրերը փղի փոխարեն սիրամարգի հանդիպեին:
Եթե նրանք փղի փոխարեն սիրամարգի հանդիպեին, նրանք կշոշափեյին նրա վիզն ու գլուխը, և կմտածեյին որ դա դինոզավր է։
5. Շարունակի՛ր ըստ օրինակի.
Երկու – երկրորդ
Երեք – երրորդ
Ութ – ութերորդ
Չորս –չորրորդ
Վեց –վեցերորդ
Յոթ –յոթերորդ
Մեկ –առաջին